(1891) Ceguera

link

Tenía madre, casa
tierruques, reciella...
entrós en mio cuerpu la fame del oro
y vine a l’América.

Nin topé un amigo,
nin topé trabayu;
la fame del oro fo, entós, de pataques...
¡ai! ¡quién fose páxaru!

Pidiendo llimosna
quedéme en los güesos
y en mi s’axuntaron fame, señaldaes
y gómitu negro.

Atapez del tou
dientro de mio alma
y ándenme en la frente munches paxarines
esnala qu’esnala.

¡Ai! madre querida,
¡ai! querida madre,
non de pan nin d’oro, de date un abrazu
ye, agora, la fame...

Porque de la muerte
afuégame’l frío,
y bien lo conozco, ye’l frío qu’al dexate
viénose comigo!!

A buscar fertuna
vine pa l’América
y... atrás la dexaba con madre, tierruques
y casa y reciella!!